التمثــــــــــــــــال - حامد زيد

هلااااااااااااااااااااا وغلاااااااااااااااااااا بكم

اخباكم وعلومكم ؟؟

المهم

هذا اول موضوع لي بفصل الشعر

وابيكم تقولون لي مستواه على انه اول موضوع يعني ممتاز او جيد جدا او جيد او ......

بسم الله نبدا
التمثــــــــــــــــال


عفى الله عن غدر الخناجر والضلوع أبطال
باسامح واتركك تحت الظلام الحالك لحالك
دخيلك وفر دموعك ترى هدر الدموع ذلال
وترى مافيه احد يصبر مثل صبري بغربالك
أنا عيب على انقض كلامي والرجال افعال
وإذا قلت اقطع حبالك تراني باقطع حبالك
عشان اكسب هدب عينك تجرعت العذاب أشكال
وليتك ترأف بحالي علشان ارأف بحالك
مسوي في حياتي شي مايذكر ولا ينقال
حشا حتى العدو وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لأجلك وأنا حملي يهد جبال
رحلت من العذاب وماوقفت الا على جالك
علامك كلما اجيك متواضع جيتني تختال
معاك اليا متى باصبر وصبري معك يحلى لك
مثل مااقبلت لعيونك لزوم تلد لي باقبال
ومثل ماقد حشمتك حس واحشم قلبي أشوالك
انا محد بجابرني أساير معك هالمنوال
ترى لأني تبيع لك ولاني بأصغر عيالك
أنا جيت اعشقك نبض ومشاعر ماأعشقك تمثال
انا جيت اسكنك واحياك وأبقى فيك وأبقى لك
أنا جيت بظمى عاشق تعب يطرد سراب اللال
أنا جيت استفز رضاك من فرقاك والجا لك
أن ماهمت بك عاقل انا كنت اعشقك بخبال
انا ماكنت احبك حي انا كنت أعشقك هالك
تخيل من كثر ماخاف تلقى للزعل مدخال
اخاف أخطي على طيفك وادوس برجلي ظلالك
تبعتك والعرب تتبع رعود البارق الهمال
وصرت أقرب جسد يمشي معك باقفال واقبالك
أبي قلبك يحس انه فقد بمحبته رجال
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وأنا صعب على ارضى غرورك واضعف قبالك
بعد ماحققت عيني في بعدك للرقاد امال
اعود للسهر.... يااخوي فال الله ولا فالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
با المك وانثرك واجمعك وارجع انثرك باهمال
با اخونك وازعلك وارضيك وازعل منك وارضى لك
ابا ارسم بالثرى وجهك وابا ادفن صورتك برمال
ابا اشكي للعرب فرقاك واضحك عند عذالك
ابا اهديك الوصال فراق واهديك الفراق وصال
باسوي مثل مااشوفك تسوى وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك
نصيحة واحتفظ فيها قصر معك الزمن او طال
أبي تسمع كلامي زين وتحطه على بالك
إذا حبك هبال أطفال لك عندي هبال أطفال
ولا وابشر بعد بهبال حب ماهو هبالك
وإذا قصدك تهين اسمي عشان تشمت العذال
حشا لا انته ولا غيرك ولا عشره من اشكالك

وبسسسس

بذكركم قولو لي مستواه لا تنسون

بااااااااااااااااااااااااااااااااايووووو

قلتي حامد زيد

^_^

مشكورييييييييييييييييييييييييين عالمرور

وااااااااااااااااااو قصيدهـ ولا اروع مشكورهـ ياقلبي

تسلمييييييييييييييييين عالمرور

هذه القصيده من احلى القصاايد ويسلموو

الله يسلمك يا بعدي انتي منوووووووووووووره الصفحه بوجودك